Noticia - 100th Anniversary

13 February 2020

E ta cu gran placer cu mi prome memo di e afia aki ta pa informa boso di e desaroyo nan relaciona cu MetaCorp su di 100 aniversario. Manera boso sa caba, nos ta e empresa di mas bieu na Aruba bayendo bek te na 1920 cu un poblacion di apenas 9,000 habitante. Desde nos cuminsamento humilde nos a crece manera cu nos poblacion y economia a crece y nos ta orguyoso cu nos a contribui significante den e desaroyo di nos hendenan y nos pais.

Nos lo combina nos celebracion di 100 afia names momento cue inauguracion di nos impresionante Teatro Gloria na Eagle Beach. Nos ta sigur cu boso lo ta orguyoso di e teatro bunita aki cu lo tin 10 sala, un IMAX, tres VIP y 6 sala lujoso, 5 restaurant y un area pa mucha por hunga y parkeerplaats na abundancia.

Aunke ainda nos ta den e fase di planificacion di e inauguraci6n y celebracion grandi, mi por duna boso algun informacion preliminar. E fecha lo ta na juli di e afia aki, mas cu 10,000 invitado lo wordo deleita den e parkeerplaats cu lo ta equipa pa un magno y extravagante evento musical "CONCIERTO DI SIGLO" cu lo impresiona e publico pa oranan largo. E atracci6n principal lo keda un secreto, pero mi por informa cu nos lo tin aproximadamente 100 musico riba escenario durante e climax die show.

Bo persona y bo famia ta wordo invita pa e evento inolvidabel aki. Mi lo mantene boso informa a medida cu nos ta mas cerca di e evento, pero mi tabata kier a comparti e momento excitante aki pa asina boso por informa amigonan y famia. E ta un momento grandi y boso, nos empleadonan, ta e motido cu nos por celebra e ocasion grandi aki.

MAS NA CAMINDA

Danki di Curason.

Eduard L.J. de Veer

Executive Board Member

MetaCorp International and Subsidiaries