Ethan ta ricibi un rolstoel

Di nos comienso, MetaCorp a haci esfuerso grandi pa sostene e comunidad den varios manera, especialmente esnan mas vulnerabel, cual semper lo keda un di nos metanan di mas grandi.

Diamars merdia, November 1, 2022, Eddie de Veer, CEO di MetaCorp tabata presente na Gloria pa entrega un rolstoel na Ethan, un mucha masha fuerte mes, cu ta sufri di e enfermedad di EB; Epidermolysis Bullosa.

EB ta un enfermedad poco conoci na Aruba. E ta un malesa genetico unda cu e curpa di Ethan no ta crea e proteína pa por wanta su ultimo dos laag di cuero. Cualkier friccion na su cuero ta causa blaar y ta bira herida grandi.

Despues di un peticion ricibi for di un grupo di studiante di Universidad di Aruba, MetaCorp a wak e caso di Ethan como uno special. Nos di MetaCorp a buska contacto cu mayor di Ethan, Sra. Shahaira, caminda nos a ofrece nos ayudo den forma di buska e rolstoel cu Ethan lo tin mester.

E proceso tabata uno largo, caminda mester a compila tur informacion necesario pa e rolstoel caminda tur cos mester a pasa via e physiotherapeut promer cu nos a yega na e diseño final y pa order esaki for di Sorg di Alemania, un compania especialisa den rolstoel. E rolstoel aki lo percura pa Ethan no perde su mobilidad propio y toch lo logra di keda na un parti independiente.

Nos ta sumamento contento di por aporta cu e rolstoel aki pa Ethan, cual sigur lo eleva su calidad di bida.

Pa sera e atardi bunita aki, MetaCorp a regala Ethan hunto cu su grupo di amiguitonan y nan mayornan pa pasa goza di e movie Lyle Lyle Crocodile.