Hike den Naturalesa Juli 2, 2022

Diasabra mainta trempan, un grupo di coleganan di diferente subsidiarionan a presenta na Veld di Shete, Santa Cruz pa 6:00am pa start, bou di e guia di Ramsey Halabi, cu MetaFit su prome Hike pa e aña aki: Daylight Hike.

E tawata un caminata den e frescura y awacero di mainta, memey di baranca, cadushi, mata, bestia. Nan a 'hike' e camindanan facil y dificil di e trayecto aki, disfrutando bistanan bunita, cu e solo cu a sa di sali despues.

Danki na Ramsey pa e guia y na tur cu a participa, tambe danki na TBC pa a tene e hidratacion na cuenta cu Awa y Powerade.

E proximo 'Hike' lo ta un Moonlight Hike riba 13 di Juli y e lo cuminsa na Ayo Rock Formation. E lo cuminsa pa 6.30pm. Corda trece bo mesun awa, bon sapatonan, flashlight.

Bin goza e Moonlight Hike hunto cu nos, registra aki: https://www.wejoinin.com/sheets/exswn