Join e movemento sostenibel!

Recientemente ECOTECH a renoba su esfuersonan pa crea conscientisacion educando e e comunidadnan local riba e necesidad pa recicla. Usando e Plataforma social, nos ta demostrando e Proceso di Reciclahe di nos compania ruman ECOTECH FREEZONE y nos ta motiva nos clientenan pa Join e Movemento Sostenibel. Nos no por haci’e nos so!

For di 2009 ECOTECH FREEZONE ta contribui na e Economia Circular y e ta ofrece opcion di reciclahe pa 2 material.

CARTON ta un di e materialnan cu mas ta wordo recicla, esey kiermen cu e por wordo usa di nobo. Esaki kiermen cu menos energia ta necesario pa proces’e como sushedad, menos sushedad mester wordo dera den nos tera y menos necesidad lo tin pa palo, pues salbando asina nos bunita palo nan di mata.

BLEKINAN DI REFRESCO Y METAL NO-FEROSO ta wordo automaticamente sortia pa nos planta avansa cu ta separa e bleki nan di refresco y e metal nan no-feroso (foil, bakinan di cushina, wiel nan di metal) demas metal nan feroso (magnetico).

Boso por yuda nos colectando y depositando boso cartón den nos bakinan di carton nobo cu ta bon visible cu nos lo ta poniendo na lugarnan estrategico cuminsando cu Tanki Flip, Ecotech Barcadera, Redemption Center di Tropical Bottling na Boulevard y na ATCO Dakota.

Sigui nos ariba Facebook pa mas tips y informacion riba nos esfuerso nan di reciclahe y pa con BOSO por participa na e movemento sostenibel!