Lifestyle

Deskercise

Enfermedadnan cu ta relaciona cu trabou no ta djies limita na fabricacion pisa of construccion. Nan por pasa den tur tipo di industria y ambiente laboral, incluyendo oficinanan. Research ta mustra cu movecionnan repetitivo, mal postura, y keda den e mesun posicion por causa of empeora enfermedadnan di musculo.

Keda den un posicion mientras cu bo ta haci movecionnan repetitivo ta un trabou tipico di oficina. Un analisis di tendencianan di e industria di trabou di e 50 añanan previo a revela cu por lo menos 8 pa 10 Americano a bira gordo sinti patras di nan desk.

E custumernan cu nos ta traha na nos desk, specialmente mientras cu nos ta sinta, por contribui na incomodidad y problemanan di salud, manera:

• Dolor di nek y schouder

• Obesidad

• Enfermedadnan di musculoeskelito

• Stress

• Dolor di lomba

• Carpal tunnel

Mas di 4 ora pa dia dilanti di un screen por hisa bo riesgo di morto pa cualkier causa pa 50%. Tambe tin un riesgo di 125% di enfermedadnan cardiovascular.

E bon noticia ta cu move of stretch ta un custumber cu bo por crea. Bo por cuminsa na pone un timer pa corda bo pa lanta cana of stretch. Si bo no tin mucho tempo, ainda tin algun stretch cu bo por haci na bo desk.