Malta Balashi a join Mimosa Racing

Malta Balashi a join Mimosa Women’s Race den un tremendo careda di bicicleta pa solamente hende muher. E careda aki a cuminsa na Arashi Beach riba 17 di October 2021. E Race di Mimosa ta e prome race di mountain bike pa hende muhernan cu a wordo organisa na Aruba pa Sra. Zetsia Pina cu ta miembro tambe di Mimosas Ride Aruba y ta un ciclista hopi activo den e comunidad local di hende muher. Aña pasa el’a cuminsa un club pa motiva e deporte di ciclismo pa hendenan muher, e ta topa y train cu nan semanalmente. Un total di 60 hende muher a registra pa e evento exitoso aki.