Update - Covid-19

14 Juli 2020

Durante e ultimo cuater luna, nos a logra preveni contagio di Covid-19 den nos seno familiar y den compania. Plan pa habri nos frontera a ser poni den marcha y un biaha mas nos mester ta prepara. Ta importante pa nos keda consiente y proteha bo famia, coleganan, y bo mes. MetaCorp su medidanan di prevencion pa Covid- 19 mester wordo enforsa conhuntamente cu e distanciamento social y protocol di higiena prescribi pa DVG. Tur e medidanan aki ta parti die "normal nobo" y ta traha pa mantene nos sigur.

Parti di e "normal nobo" ta pa hasi nos mayor esfuerso pa adapta na situacionan cu presenta y buska manera nobo pa ta exitoso. Cu hopi placer mi ta anuncia cu despues di 10 aña nos ta bolbe habri Drive-In Theatres e luna aki. Nos ta kere cu e sistema di Drive-In ta e metodo ideal pa mantene distanciamento social y disfruta di pelicula, entretenimento y musica, den un espacio cu ta apto pa 380 vehiculo.

Como empleado, bo lo tin e privilegio di ta prome pa dal un recorido nostalgico den tempo y disfruta di un pre-screening. Mas informacion pa reserva bo espacio, lo ser duna via bo Managing Director y Departamento di Recurso Humano.

Manera semper - stay safe, stay healthy.

Eddie de Veer