Update - Covid-19

28 July 2020

Gobierno ta sigui stimula economia door di habri frontera y trece turismo bek, sinembargo boso por a nota den medio di comunicacion cu ocupacion di hotel ta hopi abou y lo continua asina te cu fin di aña. Nos tur ta enfrentando retonan cu e pandemia aki a trece cune. Expertonan ta acorda cu nos isla probablemente lo haya su mes enfrenta cu mas di 30% di desempleo. Mision di MetaCorp ta pa preserva trabou y reduci tur gasto operacional pa nos por supera e crisis te ora cu nos bolbe na e nivel comercial prome cu Corona, ainda ta dificil pa bisa te ki tempo esaki lo tuma lugar.

Nos salario ta actualmente na 80% como parti di rekerimento die subsidio di gobierno, esaki ta juda nos compensa pa e perdida di negoshi y pa nos por sigui traha sin restriccion. Algun di nos subsidiarionan ta operando mihor cu otro.

Nos habilidad pa supera e temponan dificil aki ta basa riba e actividadnan diversifica den nos compania, cu e union cu ta eherce entre e subsidiarionan, caminda esnan mas vulnerabel ta ser apoya pa esnan mas fuerte.

Cu boso apoyo y dedicacion continuo, nos lo supera esaki.

Stay safe, stay healthy.

Eddie de Veer