Scol Duna un Man at Gloria

Un di MetaCorp su pilarnan principal di impacto tawata semper nos enfoke riba provee sosten y un ‘partnership’ unda cu nos tawata por na e comunidad di esnan descapacita riba nos isla. Pa e motibo aki e tawata nos placer pa ofrece Scol Duna un Man un mainta di diversion na Gloria!

Scol Duna un Man ta un scol basico di enseñansa special pa alumnonan cu hopi dificultad pa siña. Scol Duna unman ta forma parti di e Fundacion Stichting voor Verstandelijk Gehandicapten Aruba (S.V.G.A.)

E muchanan di Scol Duna un Man ta di edadnan di 4 te cu 16 aña cu tin un atraso den nan parti cognitivo, social-emocional y limitacionnan fisico.

E por ta un reto pa e scol organisa ‘uitjes’, pues nos tawata contento pa ofrece e muchanan di Scol Duna un Man un mainta agradabel y ‘safe’ na Stay & Play na Gloria.