Sesionnan Budget Coaching

Mi caminda financiero, t'Ami ta trah'e”

Durante e aña cu a pasa, MetaCorp y su subsidiarionan a organiza diferente session di Budget coaching, na unda a brinda tur empleado e oportunidad pa participa.

Recientemente e sessionnan a ser organisa pa empleadonan di Gloria y a brinda e oportunidad un biaha mas na tur empleado cu no a logra participa anja pasa. Sra.Cristina Tromp di Balor Consultancy a comparti hopi informacion y tipnan valioso na tur presente. Empleadonan a mustra hopi interes hasiendo uso di e oportunidad ricibi pa hasi pregunta y participa activamente.

A trata e.o: Nos relacion cu placa, con pa traha y maneha Bo presupuesto, con pa usa placa mas concientemente, e diferente tipo di personalidadnan ora ta trata placa, como tambe diferente tipsnan unda nos cada un por economisa ora ta trata cu placa. A para keto na e hecho con e Pandemia di Covid 19 a sinja nos hopi les y pa nos acepta e realidad den cual nos ta biba, como tambe e importancia y balor di tin un trabou.

Ta hopi importante pa e persona logra su pas mental financiero y pa busca ayudo si ta necesario, na con pa maneha su entrada efectivamente.

Pa mas informacion, empleadonan por tuma contacto cu nan departamento di HR of por tuma contacto cu trahado Social di compania, Suzy Kock na telefon 523- 6807 pa mas informacion of pa hasi un cita.