Update - Covid-19

02 November 2020

Mi kier a gradici cada un di boso pa boso disciplina y pa mantene boso mes na e medidanan di seguridad durante Covid-19, durante ora di trabou y tambe den bo tempo liber. Junto, nos esfuerzonan durante e di dos ola di Covid a juda pa tene e casonan positivo abou pa nos empresa y nos famia.

Na mes momento e cantidad di casonan positivo na Aruba ta bahando un biaha mas, locual ta un bon señal pa Aruba, nos economia y nos negoshinan. Consecuentemente, esaki ta trece cu medidanan ta bira mas flexibel y ta core e risico cu e situacion ya no ta wordo tuma na serio. Ta fundamental pa nos sigui mantene nos disciplina y sigui duna e bon ejempel, manera semper.

Mi ta conta cu boso apoyo y dedicacion continuo pa sigui cumpli cu tur medidanan y pa proteha nos coleganan y nos famianan.

Masha danki pa bo cooperacion di semper. Stay safe, stay healthy

Eddie de Veer