Update - Covid-19

01 April 2021

E tres ultimo luna di e aña aki no a bai sin su retonan. E projeccionan di ocupacion di camber di hotel na Aruba a ser impacta door di rekisitonan pa viaha for y den Merka, pues esaki a stagna e recuperacion economico. Pa es motibo aki nos lo sigui mantene e orario di trabou y salario na 90%, mientras tanto MetaCorp lo sigui monitoria y evalua e impacto economico. Mas y mas Mericano ta ricibi nan vacuna y ta mustra deseo di viaha pa Aruba, esaki nos por wak basa riba crecemento den reservacion pa final di e di dos kwartaal di aña. Otro noticia positivo ta cu nos a cuminsa e proceso di vacunacion aki na Aruba. Nos ta mantene speransa cu den e proximo lunanan nos lo bolbe na volumen normal y consequentemente na 100% di orario di trabou y salario.

Sinembargo, na es momento aki, e casonan di COVID-19 na Aruba ta subi y lamentablemente e biaha aki e la afecta mas di nos coleganan. Pa es motibo aki ta urgi pa mantene disciplina y sigui tur procedura cu a ser prescribi door di compania, y cumpliendo cu reglanan stipula di DVG y Gobiemo di Aruba. Na mes momento nos ta curasha cada un di boso pa registra pa asina por wordo vacuna. Nos mester proteha nos empleadonan, nos coleganan, esnan mas vulnerable y nos famia durante e pandemia aki.

Masha danki, manera semper, pa boso cooperacion.

Stay safe, stay healthy

Eddie

Peter

Robert

Guus