Lifestyle

Ora bo tene bo mes cu un mente positivo na trabou, bo lo mira cu bo ambiente y e tareanan diario lo ta mas agradabel. Manteniendo un bista positivo bo por enfoca riba areanan cu tin mester mehoracion y metanan pa futuro na luga di enfoca riba e desafionan cu bo ta enfrentando. Positivismo tambe ta influencia otronan, pues bo lo por hasta haci bo coleganan mas contento.

1. Aprecia exitonan chikito

Un di e maneranan di mas facil pa desaroya pensamentonan positivo na trabou ta pa haya diferente logronan chikito pa bo celebra cada dia. Tuma nota di exitonan por yuda bo ta optimista y mas motiva.

2. Tuma tempo pa cultiva pensamentonan positivo

Considera pa tuma experiencianan cu normalmente bo no ta gusta y laga nan bira algo productivo y positivo.

3. Haci un les di cada situacion

Ora bo caba un tarea of un proyecto, tuma algun minuut pa pensa riba kiko a bay bon y kiko bo tin cu cambia e siguiente biaha. Pensa riba e problemanan cu bo a enfrenta y planea con pa pasa door di nan pa haci bo siguiente proyecto mas exitoso.

4. Rondona bo mes cu personanan positivo

Haci un esfuerso pa ta rond di hendenan positivo cu por yuda bo pensa mihor di bo mes y di bo medio ambiente.

5. Usa lenguahe positivo

Un manera simpel pa mehora bo positivismo ta pa usa palabranan positivo den combersacionnan na bo lugar di trabou.

6. Expresa gratitud

Tuma tempo pa durante dia bo refleha riba hendenan, eventonan y logronan cu bo ta gradicido pa nan. Skiribi 5 cos cu bo ta gradicido p’e tur dia. Reconoce e efecto positivo di e actividadnan aki por ta un tremendo manera pa finalisa bo dia.

Practica gratitud ta pa bisa danki of mustra gratitud na otronan por tin un influencia positive riba otronan na bo trabou.